A obra máis pequena do mundo.

A verdade fíxome gracia ver nesta maqueta as máquinas traballando a todo dar. 

A editorial da fundación ONCE: deseño e normativa de accesibilidade para descarga libre.

Sen dúbida unha sociedade avanzada caracterízase pola atención que presta ás persoas con dificultades para levar a cabo un xeito de vida estándar. Ao respecto a simple existencia dun organismo como a ONCE é unha boa nova para calquera país, e no estado español temos a fortuna de contar coa fundación ONCE, que facilitou a inserción laboral de miles de persoas con discapacidade, non somentes visual senon tamén física ou mental.  

Nun intre no que as esixencias da normativa sobre a edificación son cada vez maiores, e non se pode obviar o deseño integrador que permita o acceso e circulación en edificios ou espazos públicos e privados a persoas con diferentes graos de discapacidade (o que por suposto implica un desenrolo non só no sector da edificación senon tamén no do urbanismo e a mobilidade urbana), é moi de agradecer a labor de divulgación que tamén realiza a fundación ONCE a través desta ligazón onde recolle diferentes traballos que tratan de recoller e analisar a normativa e as boas prácticas de deseño aplicadas á accesibilidade.

A documentación con recomendacións para mobilidade elaborada pola ONCE está disposta para a súa descarga nesta ligazón, na que podemos efectuar unha busca por ano de publicación, tipo de discapacidade e data do documento.

Sendo bastante ampla a documentación a revisar, e estando este blogue adicado fundamentalmente a edificación e obra civil, polo menos poderíamos destacar, pola súa importancia para o deseñador e controlador de obra, as seguintes publicacións:

Manual de accesibilidad para técnicos municipales. 

Bares y restaurantes accesibles para todas las personas. 

Estaciones de servicio accesibles para todas las personas. 

Hacia una oficina universal y accesible. 

Manual para alcanzar la inclusión en el aula universitaria: pautas de accesibilidad arquitectónica, tecnológica y pedagógica para garantizar la igualdad de oportunidades en la docencia universitaria. 

Formación curricular de diseño para todos. 

Formación curricular de diseño para todos Arquitectura. 

Accesibilidad universal y diseño para todos, arquitectura y urbanismo. 

Con todo, se procurades un pouquiño na mesma ligazón atoparedes máis publicacións de descarga gratuíta para o voso emprego.

Webgrafia: 

Normativa estatal sobre accesibilidad. 

CTE DB SUA

Normativa gallega sobre accesibilidad. 

Accesibilidad arquitectónica. 

Manual de accesibilidad integral Castilla La Mancha

Observatorio de la accesibilidad. 

Esperando que sexa útil, recibide un saúdo. 

Un aparejador in the UK.

Como esto cada día está máis complicado, a saída cara Inglaterra é unha opción a considerar. Pois trasteando en Youtube téñome atopado esta canle na que un arquitecto técnico nos fala das súas experiencias no Reino Unido. Como supoño que é recomendable aquí vola deixo, a ver se vos serve de algo. 

Un Aparejador in the UK

Saúdos. 

A aplicación Control de Edificaciones.

Dende a fundación MUSAAT chega unha nova aplicación para dispositivos de telefonía móbil que axuda aos técnicos a abordar a labor de documentar correctamente a complicada tarefa de documentar o control de execución dunha obra. 

Dado que hoxe en día todos dispoñemos de teléfono móbil e moitos de tablets, resulta unha pena non aproveitar as capacidades destes aparatos para tomar fotografías, efectuar grabacións e almacenar información. 

Calquera persoa pode descarregarse tanto dende a app store de Apple para iPhones e iPads como dende Google Play para dispositivos Android en xeito de avaliación, ou edición limitada. Para obter a versión completa, quenes somos mutualistas de MUSAAT temos simplemente que introducir o correo e contraseña de rexistro privado en MUSAAT. Quenes non sexan mutualistas poden adquirir a versión completa a un prezo de 29,99 euros. 

A fin de empregala como unha ferramenta sinxela de doado emprego en obra, ten apenas un menú con tres opcións fundamentais: 

1 Base de datos edificación. 

Incorpora unha base de datos de puntos de control ordeada por capítulos e subcapítulos. Dado que esta base de datos está baseada na normativa e na experiencia dos autores non ten por qué coincidir cos criterios do usuario, de xeito que fíxose como editable e ampliable polo usuario. 

2 Xestión de obras. 

Permite crear un número ilimitado de obras. Para cada unha delas hai que aportar unha información mínima de nome e emprazamento, xunto cun cadro de texto onde podemos introducir outros datos como responsable de obra ou teléfonos. Creada a obra, accedemos a ela e podemos crear os puntos de control da base de datos.

Para cada punto de control pódense introducir un número ilimitado de checks (visitas) nos que deixamos constancia da data de visita, poidendo agregar comentarios, fotos e gravacións. Tamén podemos marcar un sinal de advertencia cando un control foi desfavorable (triángulo bermello) para sinalar unha revisión posterior. 

2 Informes. 

Pódese crear un informe con tódolos controles efectuados nunha obra, incluíndo notas, gravacións de voz e por suposto fotos. O informe xenérase en formato html e pode enviarse a contactos da axenda. Cabe a posibilidade de efectuar informes parciais de subcapítulos ou capítulos de obra. 

Con respecto aos puntos de control, almacénanse no servidor de MUSAAT, se ben todo usuario de versión completa pode vencellala a unha conta Dropbox, onde se gardarían tódalas fotos tomadas en obra. 

Webgrafía: 

Nova en Fundación MUSAAT. 

Nova en Arqyal. 

Nova no COAAT de Granada.  

Nova no COAAT de Cantabria. 

Espero que vos sexa útil. Deica.